مراتك ولا المحفظه

مراتك ولا المحفظه

كتير منا بيعيش حاله حب جميلة قبل الجواز وبيعمل فيها قيس وليلى 
خطوبه وعزايم ودباديب ورد واطقم مش طقم شوكلاته واحد  وافراح  وهوب أول ما يخش
مرحلة الجواز يدوبك 
 هما اول شهرين شهر شهر العسل وشهر ما بعده وشكرا وبارك الله فيما رزق وانتهت الرومانسية ويلا شوفلنا صنيه محشي نتغدى بيها  



 حاله الحب والولع  في اول الزواج بتقل وتهدا وتبدأ مطحنه الحياه تطحن الزوجين 

هو ينشغل وهي 
 
والحياه بتهدا ما بينهم وبيوقع الزوجين في مطبات كتيره اكبرها حاله الملل الزوجي وطبعا لو متعالجتش ممكن تتطور لحاله الفتور
ان الشريك يكو مش عايز شريكه وديه بتحصل لأسباب كتير منها عدم تجديد الحب والشوق ما بينهم 
 لان  الشوق طاقه زي اي طاقه لازم كل مده تتجدد وتشحن بطاريه قلبك من جديد 



 وده بيجي بالتعود انك تعود نفسك كل فتره مثلا كل شهر انك تخرجوا مكان جديد تقعدوا لوحدكم بعيد عن دوشه الناس واي حد وتخطفوا يومين حلوين جدا زي ايام شهر العسل تجددوا فيها كل طاقه الحب وتزودوا التلاحم اوي ما بينكم في كل حاجة عشان تبقوا واحد 
ممكن بحاجات بسيطه ممكن خروجه حلوه او  كلمه حلوه تعمل refresh  قوي جدا للعلاقه ما بينكم أو حتى هديه حلوه 
 


وهنا بيدأ سؤالنا .. عمر فكرت تجيب لزوجتك هديه ؟ 

الحقيقه ازواج كتير بتنسي تجيب هديه لزوجتهم تحت ضغوط الحياه وبينسوا ان الهديه مش مجرد شئ بيشتروا ولكن قيمتها اعلى بكتير بكتير من تمنها 
وخصوصا لو كانت من غير سبب <3 
 
والهديه مش اي حاجة تقع عليها عينك او تلاقيها في الهايبر او محل البوتيك اللي في أول الشارع خلي للهديه معنى وقيمه كبيره والموضوع ده ليه خطوات بسيطه جدا يلا بينا نبدأ فيها 

1-  لازم تسأل نفسك هي  هل في مناسبة جايه  ولا لا ؟ 

يعني مثلا هل في عيد ميلادها جاي  فمتنساش التورته اهم حاجة اهم من الهديه نفسها ساعات ممكن عيد الميلاد يقلب اسود بس لو مفيش تورته بس برده الهديه مهمه :D  
او يكون في مناسبه او تكريم في شغلها او عيد كبير او صغير جاي كل ده برده فيه عديه و هديه :D 
او عيد الأم .. ايوا عيد الام كمان الست بتستنى من جوزها حاجة فيه تخيل  :D  

وأهم حاجة أوعى أوعى أوعى تنسى عيد جوازكم صدقني مش هيبقى يوم معدي وممكن يبقى دراما سودا وتتكدر  سنه بسببه :D  



الست كائن رقييق وعاطفي ويمكن أوفر احيانا بطبعه واقل الحاجات اللي ممكن تبقى تافهه بالنسبة لك او متخدش بالك منها تعنى ليها حاجات كبيرة جدااا  بس انت لازم تراعي ده كويس جدا 



ثانيا : اسئل نفسك هي محتاجه أيه اوي الفتره الجايه ؟ 

افتكر "أجمل الهدايا هي التي نحتاجها بشده ولكن لا نتذكرها احيانا " 
يعني شوف هيا محتاجه ايه مثلا لو بتروح الشغل وفيه شغل كتير بتعمله اكيد هتحتاج لابتوب 
 او مثلا لو هي بتروح الجيم وكده عشان المحشي كتر بقى  :D 
فهتحتاج مثلا TRAINING SUIT حلو ومناسب ليها ويكون على مقاسها واياك يبقى واسع تقول: انت جيبته واسع هوانا تخنت اوي كده  او ضيق اوي وهي اصلا تكون تخنت فتتحرج ومودها يتقلب ويبقى يومك مش فايت يا معلم لازم لازم الدقه :D  




او مثلا هي بتخرج وتتعب في المواصلات ونفسها في عربيه جبلها عربيه صغيره كده صدقني هتحبك اوي أوي وممكن بعدها تقضي MINI HONYMOON احتفالا بس بالعربية  لو جتلك جلطه ولا كرشه نفس  من السطرين اللي فاتوا دول تجاهلوا تماما :D


لو عايز تجبلها هديه دلوقتي او اليومين جايين ممكن برده تجيب هديه حلوه PACKAGE  من صفحه ال GIFTS  من الويب سايت 


فلو هي بتحب البرفيوم اوي هتلاقي مجموعه متميزه من اطقم هدايا البراندات الرائعه 

ولو هي بتحب المكياج هتلاقي برده مجموعه حلوه من هدايا المكياج 

بس بجد مفيش اجمل من الزوج اللي بيفتكر زوجته بهديه ولو بسيطه وياسلام من غير مناسبة يبقى أحلى حاجة 













مقالة القادمة ارشه فين ؟