أسرار شراء العطور اونلاين دون شمها ؟
كتير مننا بيخاف يشترى عطور اونلاين وبردوا لو نزل محل عطور هيجيلوا صداع من شم انواع مختلفة .
علشان كده هنعرفك ازاى تشترى عطرك اونلاين :
الكلمات اللى بتضاف مع الاسم
( Night &ndas-h; Black – Dark – Extreme – Passion )
الكلمات دى لما تلاقيها مع اسم العطر بتعنى ان ريحة العطر قوية وعميقة ومخصصة لوقت الليل
( Water – Fresh – Blue )
الكلمات دى بتدل على انها خفيفة ومنعشه والازرق بيعنى انه قريب من ريحة البحر وبتكون العطور دى مخصصة لوقت النهار
لون زجاجة العطر
فلالوان الفاتحة بتعنى ان العطر هيكون خفيف ومنعش
اللون الذهبى مرتبط بالروائح المركزة والثقيلة ومخصصة للمساء
اللون الاصفر بيعبر عن الصيف والمرح والعفوية وبتعنى كمان انها تحتوى على الحمضيات ودى مخصصة لفصل الصيف ووقت النهار
اللون الاخضر بيعنى ان العطر مرتبط بالطبيعة ورائحة الاعشاب ولو اللون اخضر داكن بيعنى انه من الطبيعة ولكن تقيل واعمق
اللون الاحمر بيبقى مرتبط بالطاقة والعاطفة واللون الاحمر فى عالم العطور بيعنى ان الروائح تنبض بالحياة وبيطغى عليها الروائح الشرقية والبهارات والزنجبيل والمسك وبتكون حاده وقوية واخيرا
اللون الاسود بيعنى ان العطر مركز وعميق وبيناسب الخريف والشتاء وفترات الليل ولكن فى اللون الاسود لازم نربط الاسم والمكونات العطرية مع اللون ، وده بيتطلب انك تسأل مختص فى تركيبة العطر واحنا فى شركتنا بنقدر نساعد الناس على اختيار العطر المناسب
